Saturday, March 30, 2013

Урт өвөл


Ноднин өдийд дулаахан, мод ногоороод гоё хавар болж байсан бол энэ жил өдөр болгон шахуу цас хаялсаар. Цаг агаарын урдчилсан мэдээ 4 сар дуустал дулаарахгүй гэж байх шив. Энд дулаараад ч нэг их халахгүй л дээ, тэгээд тэр үү би үе үе нэг их сайхан халууцах юмсан гэдэг. Өнгөрсөн зун Газар дундын тэнгисийн эрэг дээр амрахдаа халуунд түүртэж тэрхэндээ сандарсан. Хүссэн юм хүзүүгээр орооноо гэж тэр байх.
Зуны дурсамж гэх үү хэдэн зураг оруулав. Өвлийг давах сэтгэл санааны бэлтгэл гэх үү.



 Сүүдэр бараадмаар аймаар халуун өдөр Bormes Les Mimosas гэдэг хотоор алхаж билээ.
Урд өмнө хараагүй тансаг цэцгэс олон байлаа.













 Энэ Martigues гэдэг хот доторх суваг. Иймэрхүү газраар явахаар яагаад ч юм уран зураг санаанд буугаад байдаг юм.





17-р зуунд баригдсан талхны пийшинд ийм пицца хийж идсэн. Зуухандаа байсан уу, ердийн үед хийдэг пиццанаас илүү амттай болсон санагдсан. Зуухны гаднаас зураг авахаа мартсан байна. Олуулаа байсан болохоор бэлэн болсон пиццаны зураг авах завдал болоогүй дуусчихсан. 




Жимс ногоо, яг сезон таарсан үеийн жимс ногоо амттай бас тансаг үнэртэй.

3 comments:

Meegaa said...

ene jiliin ovol ch sunaj bnaa, bi 1 saihan nartai odor hamag ovliinhoo huvtsasiig baglaj dald hiichiheed, 2-3 honogiin daraa tsas orohoor ni butsaaj gargaj irlee sh dee.

Meegaa said...

zunii saihan "dulaahan" zuragnuud bna :-)

Bentel Bi said...

ямар гоё газар, гоё цэцэгс гоё жимс вэ...