Tuesday, May 14, 2013

Хуурамч ген бас бус


Байж байж өнөөдөр монголын мэдээний цахим хуудас эргүүлдсэн хэд хэдэн юм нүдэнд тороод чимээгүй өнгөрч болсонгүй ээ.
Хамгийн эхнийх нь Анжелина Жоли хөхөө тайруулав гэсэн мэдээ байх юмаа. Эхээс нь ишлэвээс: "Дэлхийн алдартай жүжигчин, үзэсгэлэнт эмэгтэй Анжелина Жоли хөхний хорт хавдраас сэргийлж хоёр хөхөө тайруулсан хэмээн “BBC” мэдээллээ.  Өдгөө 37 настай зургаан хүүхдийн ээж жүжигчин бүсгүй “Нью-Йорк Таймс” эмнэлэгт хагалгаанд оржээ. Тэрбээр “Эмч нар намайг хөхний хорт хавдраар өвчлөх магадлал 87 хувь, өндгөвчний хавдраар өвчлөх магадлал 50 хувь хэмээн тооцоолсон тул би эрсэдлийг бууруулахын тулд ийм шийдвэр гаргасан” хэмээн ярьсан байна. Түүний хөх тайруулах ажил өнгөрсөн хоёрдугаар сард эхэлж дөрөвдүгээр сард дуусчээ.

Түүнчлэн Анжелина Жолигийн ээж хөхний хорт хавдрын улмаас нас барсан бөгөөд ээжээс нь хөхний хорт хавдар үүсгэдэг хуурамч гень удамшсан тул өвчлөх магадлал өндөр хэмээн эмч нар мэдэгдсэн байна. Жоли эмчилгээний үеэр дэргэд нь байж сэтгэл санаагаар дэмжсэн нөхөр Брэд Питтэд талархснаа мөн илэрхийлжээ. "
За дээрх мэдээнээс үзвэл Нью Иорк Таймс гэдэг сонин биш эмнэлэг байдаг юм байна. Бас хүнд хуурамч ген байдаг гэнэ. Хөх тайрах (энэ бас л биш орчуулга арай өөрөөр хэлж болдог байлгүй дээ. Тайруулав гэхээр нэг хүн хөрөө бариад дайрч байгаа харагдаад болж өгөхгүй байгаа юм.) хагалгаа 2 сараас 4 сар хүртэл үргэлжилсэн гээд сонин хачин ихтэй л мэдээ юм ккк. Faulty gene гэдгийг хуурамч гээд махчилсан болтой юмаа. Инээх ч хэцүү ярвайх ч хэцүү гэдэг шиг.

Дараа нь Өнөөдөр сонинд эмэгтэйчүүдийн эмч Сильва гэдэг хүний ярилцлага гарчээ. Дээрх шиг галзуу солиотой юм алга л даа гэхдээ "Дээр үед охидын сарын тэмдэг арван зургаа, долоон настайд нь ирдэг байсан бол одоо 11-13 настайгаас эхлээд ирдэг болж. Энэ бол өндгөвч нь сайн ажиллаж байгаагийн илрэл. Ингэснээр өндгөвч удаан ажиллаж, цэвэршилт хожуу эхэлдэг юм. " гэж хэлсэн нь гайхал төрүүлэв. Сарын тэмдэг эхэлж ирэх, цэвэршихийн хоорондын хамаарлыг судалсан ажлууд тийм хамаарал олж чадаагүй. Харин сарын тэмдэг эрт эхлэх нь байгал орчин элдэв химийн бохирдолтой холбоотой байх магадлал бий. Түүнээс гадна эрт эхлэх нь бас өндгөвч, хөхний хорт хавдар, цаашлаад зүрх судасны өвчлөлтэй холбоотой байдаг тухай ярьж бичдэг юм билээ. Ямар нэг статистик баримт дээр тулгуурлахгүй иймэрхүү дэл сул яриа ер нь их гарах юмаа.

Гурав дахь гэр бүлийн тогтвортой байдлын тухай ярилцлага юм уу, уншаад байсан нүд ам арай л орой дээр гарсангүй. Энд хэлж ярьсанаас гэр бүлийн тогтвортой байдал бараг тэр чигээрээ эмэгтэй хүнээс шалтгаалах болтой юмаа. Олон нхийтийн газар нөхөртэйгөө санал нийлэхгүй ч гэсэн толгой дохиод ялдам аашлаад байвал эрх чөлөөтэй байх виз авна гэнэ үү ккк. Гайхал төрүүлсэн хэдэн өгүүлбэр:
- Эмэгтэй хүн нөхөртэйгээ анх учирч хэрхэн дурлуулж байсан яг л тэр хэвээрээ байх ёстой. Мэдээж үргэлж гоо үзэсгэлэнгээ хадгалаад байх боломжгүй. Гэхдээ л миний эхнэр гэж хэн бэ гэхээр ууртай, ааштай, үглэсэн байдалтай бодогдохоор байхуу, эсвэл инээмсэглэсэн, үргэлж дэмждэг, ойлгодог, хүслийн дээд эмэгтэй нь байх уу гэдгээ сонгох хэрэгтэй. Ер нь эхнэрүүдийг ар гэрийн менежерүүд гэж нэрлэж болно. Гэр цэвэрлэх, хоол хийхээс эхлээд хүүхдээ хүмүүжүүлэх, гэр орны төсвөө зарцуулах зэрэг бүхий л ажлыг нуруундаа үүрдэг. Тэд энэ их ажилдаа дарагдаад гадаад төрхөөсөө авахуулаад өөрсдийгөө хаячихдаг. Түүгээр ч барахгүй өөрийн зан араншингаа хянахаа байдаг. Ааштай, үглээ болсноо нөхөр, хүүхдүүдээсээ боллоо гэдэг. Би та нарын төлөө, хүүхдээ өсгөхийн тулд ийм боллоо гэдэг. Гэтэл тийм биш. Эмэгтэй хүн тухай бүрд нь хяналт тавиад асуудлыг шийдээд явсан бол эвдрэхгүй байх бүрэн боломжтой. Тиймээс өөрийнхөө зан араншинд анхаарч байх хэрэгтэй. Маш олон тактикийг боловсруулж байх нь чухал.
PS: Хамаг ажлаа хийгээд дээр нь хөөрхөн ааштай бас үзэсгэлэн төгөлдөр байх хэрэгтэй гэнэ шүү.

- Эхнэрүүд нөхрийнхөө хүндлэлийг олдог нэг зүйл бол найз нөхдийнх нь дунд биеэ авч яваа байдал юм. Ямар ч адгийн эрд өөрийн нэр хүндээ хамгаалах хэрэгцээ эмэгтэйчүүдийнхээс өндөр байдаг. Эмэгтэйчүүд яагаад нэр хүндээ алдаж эхэлдэг вэ гэхээр тэд нөхрөө найз нарынх нь дунд муулж, загнаж, доош нь хийдэг. Харин ямар нөхрүүд эхнэрээ хүндэтгэж байна вэ гэхээр олон нийтийн өмнө өөрийг нь үргэлж толгой дохиж дэмжиж байх тохиолдолд. Эхнэрүүд ч бас. Заримдаа буруу ч ярьсан гэсэн дэмжиж байх нь чухал. Эмэгтэйчүүд өөрсдөө хүндлүүлэх зүйлээ хийх хэрэгтэй. Бас тэднийг давраахгүйн тулд овжин аргаар аливааг хийлгэж сургах нь зүйтэй.
PS: Ерөнхийдөө нөхөр гэдэг хүнтэй чин сэтгэлээсээ хандах, ярилцах гэдэг илүү зан?

- Энэ бас л эрчүүдийн хандлагатай холбоотой. Тэд үргэлж эрх чөлөөтэй байхыг цаанаасаа л эрмэлздэг. Харин эмэгтэйчүүдэд эрчүүд шиг тийм их эрх чөлөөтэй байх хэрэгцээ байдаггүй, хэн нэгнээс хамааралтай байж хайрлуулахыг л хүсч байдаг. Эрчүүд эмэгтэйчүүдийг өөрсдийг нь бодвол сул, хөнгөн, бие бялдрын хувьд өөрийгөө хамгаалах чадваргүй гэж боддог учраас "барих" сонирхолтой байдаг. Энэ хандлага нь эмэгтэйчүүдэд шударга бус юм шиг санагдах нь бий. Яасан бэ тэр хүйсийн тэгш эрх, би ч гэсэн шоудмаар байна гэж бүсгүйчүүд ярьдаг. Хамгийн гол нь нөхөртөө итгэл олох нь чухал. Ингэсэн цагт нөхрүүдээрээ "виз даруулж" чадна.
PS: Нөхөртөө хайрлуулж байгаа эмэгтэй хүн эрх чөлөө хүсдэггүй?? Шоудахдаа нөхрөөрөө биз даруулах хэрэгтэй???? 
Эмэгтэй хүн эмэгтэй хүнтэйгээ ярилцсан бололтой. Ажаад байхад эмэгтэйчүүд өөрсдөө эмэгтэйчүүдийн нийгмийн байр суурь, эрч чөлөөний тухай бишээ эсрэг ярьж бичих нь олон таарах юм ямар учиртайг мэдэхгүй.
Дээхнэ Өнөөдөр сонин бас хоёр залуу бүсгүйн ярилцлага нийтэлсэн байсан нь бас л аймаар юм байсан. Санаа нь гадаад хүнтэй сууснаас монгол хүний тав дахь эхнэр болох хэрэгтэй гэх гээд байх шиг. Хүүхэн хүн өөрөө сонголт хийж болохгүй ээ? Ярилцлага өгсөн хүн өөрөө хүүхэн хүн байх юм, аймаар. Нэр хүндтэй сонин ийм юм тавьдаг нь бүр аймаар. Өөрт таарсан ажлаа хийгээд амжиргаагаа залгуулдаг боломж нь байвал ийм үзэгдэл аяндаа буурна биз дээ. Тэрнээс эд нараас муу муухай хүн байхгүй гээд чичлээд дайраад байх хаашаа юм. Нэг тийм фашизм нацизм үнэртээд нэг бишээ.

Тэгсэн хэрнээ эрчүүдийн үүрэг хариуцлагын тухай дуугарахгүй ээ. Үнэндээ дээд сургуулийн оюутнуудын ихэнх нь хүүхнүүд байна, эрчүүдийг ад үзлээ гэх гомдол яваад байна. Энэ ч бас бодох асуудал. Гэхдээ гүйцэтгэх байгууллагын ажлын голыг хүүхнүүд нугалдаг мөртлөө шийдвэр гаргах төвшинд хэдэн хүүхэн байнаа? Үнэндээ тэр дээд сургуульд сурах тоо нийгмийн байр суурийн илрэл юм бол өнөөдөр парламентийн гишүүдийн ядаж тал нь эмэгтэйчүүд байна биз дээ?

Хэдэн жилийн өмнө танил маань их хурлын гишүүн хөрш нь хогоо өөрөө асгадаг тухай сонин болгож ярьж билээ. Тэгээд тийм том хүнээр хог хаяулдаг эхнэрийг нь муулсан үг хавчуулаад амжсан. Тэр өөрөө бас л эмэгтэй хүн байсан. Уг нь бол гэр бүл дотроо зохицоод хэн хогоо хаях надад ч түүнд ч огт хамаагүй баймаар. Би бол тэр гишүүнийг харин ч гэр бүлдээ санаа тавьдаг сайн нөхөр гэж үнэлмээр байгаа юм. За тэр гадаадад гараад зовсон хүүхнүүдийн тухай бол ярих ч хэрэг байхгүй, аль муу муухайгаар хэлээд дайрч өгнө шүү дээ. Хүмүүс яагаад ийм хорсол заналтайгаар эмэгтэйчүүдийг үзэн яддаг болчихсоныг нь ерөөсөө ойлгохгүй л байгаа юм даа.

10 comments:

Nogoohon Naran said...

Хэлээд юу гэх вэ. Эмэгтэй хүн мөртлөө л эмэгтэйчүүдээ доош нь хийгээд үзэн ядаад байдаг юм. Ер нь манай нийгмийн нийт массын ухамсрын түвшин, сэтгэхүй нэг л бишээ. Улам л ухраад хүй нэгдэл рүүгээ яваад байгаа юм шиг санагдаад байгаа юм.

baidag l negen said...

huisiin asuudal yrisan duvchin huuhnuud olshirhoor niiteeree emegtei hund iim gajig handaad ehelj baigaam bailguidee tuunees er em ylgaagui turulhiin uuriin erh chuluutei unet chanaruudtai l baidag

odoo ch tegeed ali boloh medehgui zuilee ih yrival mundag haragddag bolchijdee mongold neg goe yum baidiishdee ali neg zuiliig ali boloh olon hun sonirhool yrial ehluul tegeel budaa hamgiin suuld gehed bolovsrol uul uurhai 2 bna saihan budaa bolj bna daa deehen neg heseg bugd bank yrial ehelsen yasan bankuud budaa deeremdhiig n deeremdeed hulgailhiig n hulgailaal ami n tasardag deeree neg yum humuus yrihaa boliod odoo ovoo sehej bna

Naraa said...

Hi, Ochigdor oroin medeegeer Angelina Jolie-n tuhai sonsood Mongol net-r ene tuhai sain bicheesei gej bodoj blaa. Tegsen neeree l "hohoo tairuulav" gej ireed shal gajuuduulsan medee tavisan bv. Hohoo tairuulah gehiin orond yadaj avahuulah gej bichij boloogui umu bolov?

Mongold jild yag hichneen emegtei hohnii bolon savnii havdraar ongordogiig medehgui um. Gehdee ene medeeg zugeer hohoo tairuuljee gej unshaad ongoroh bish, "tanai udamd hohnii havdraar ovchilson hun bgaa biluu?, hervee bval chi ovchloh magadlal hir ve?" geh meteer medeellee oruulsan bol iluu ach holbogdoltoi bh bsan bolov u?

BRCA 1 ba BRCA2 gedeg gen udamshdag, hohnii hort havdar-r 87%, savnii hort havdar-r 50% ovchloh magadlaltai bdag um bna. US-d ene gene-n shinjelgeeg tsusnii shiljilgeegeer ilruuldeg bogood dundjaar $3000 boldog gene.

Barimalch said...
This comment has been removed by the author.
Barimalch said...

Mongold er emiin hariltsaa atmospheri mash ih omnoh niigmiinhee feodliin shinjindee gulsaj orson baih gej taamaglaj baina. Ene balai shashin n butsaad delgerchiheer "lam mine burhan mine" geed feodaliin haranhui hariltsaa shashinaar damjij ih sergej baigaa baij boloh taltai.

Anonymous said...

Manai erchuud uurchlugduh tsag bolsoon. Happy wife, happy life gedeg biz dee.

Piglet said...

Мэдээлэл дамжуулалт бол үнэхээр муу, орчуулга нь утга санаа болоод үг үсгийн алдаа ихтэй, ихэнх мэдээ эх сурвалжаа хавсаргадаггүй, сураг төдий зүйлийг мэдээ болгох, олсон мэдээгээ арвижуулаад бага зэргийн судалгаа хийгээд баталгаажуулдаггүй, аливаа мэдээг мэргэжлийн хүний санаа оноог оруулалгүйгээр бусад хүмүүст дутуу дулимаг байдлаар цацдаг гээд л үргэлжилж өгөх юм байна.

Bentel Bi said...

тэр гэр бүлийн тогтвортой байдлын ярилцлага, мэдэхгүй ээ олон л ном зохиолд ингэж гарах юм байшд. нөхрүүд яг ийм нөхцөлд ok болдог ч юм билүү мэдэхгүй юм.
гэхдээ эмэгтэйчүүд бид чинь хамаг ажлаа хийгээд дээр нь сайхан ааштай, үзэсгэлэн төгөлдөр байхыг хичээгээд байвал стрессдэж үхэх байх өө

Anonymous said...

Emegteichuud yagaad emegteichuudee muulaad bdag ve? geheer... [

Er n emegteichuud ih ataarhuu, tegeed uuruu tiim bolj chadahgui bolohooroo ataarhaad l eldveer muulj setgel hanamj avdag bh aa.

Ternees bish, uuruu dotroo bi ch gesn ter huuhen shg boloh yumsaan, bi ch gesn gishuun nuhurtei suusan bol geed l...

Biye biyenee muulj, doosh n hiideg n ataarhlaas bas todorhoi huvi n uusdeg yum shg...

Anonymous said...

Ataarhlaas bj boloh ch 2 ohintoi huniig tursun eej ni odoo huu garga, huu huuhed shal uur shuu, udam sudraa hadgaldag bla bla bla geed shahaad bval yahav????? oilgohgui bgaam daa eniig.