Sunday, December 20, 2015

Хоёр хуруу гозойлгохын учир

Саявтар Жэймс Бондод тоглосон жүжигчинтэй монгол бүсгүйн хоёр хуруугаа гозойлгож байгаад авахуулсан зураг энд тэнд яваад байнаа даа. Ер нь ингэж хуруугаа гозойлгосон зураг хаа сайгүй л дээ. Чухам юу гэж бодож тэгдэг юм мэдэхгүй. Ийм дохио гэхдээ хоёр янз гэдгийг хүмүүс мэддэг болов уу?
Долоовор дунд хуруугаа гозойлгоод гарынхаа алгыг гадагш (өөрөөр хэлбэл хүмүүст бусад хуруу нь хүмүүст харагдаж байвал) ялалт (victoria) гэсэн дохио. Ийм дохиог анх Уинстон Чэрчил хийсэн зураг байдаг гэж энд ярилцах. Үнэн худлыг нь мэдэхгүй. Харин гараа нөгөө тийш харуулаад (гарын ар нь хүмүүст харагдаж байвал) Их Британид бол нөгөө дунд хуруугаа гозойлгосонтой адилхан дохио юм. Энэ дохио их эртнийх, Англичууд Францчуудтай дайтаж байх үедээ чамайг нум сумаар харваж ална гэсэн заналхийлэл байсан юм гэнэ.
Англи жүжигчинтэй хоёр хуруугаа буруу гозойлгож авахуулсан зураг тэгэхээр бас сонин байгаа биз ккк. Жүжигчнийг заналхийлээд ч байгаа юм шиг. Ер нь юмны наад цаад учрыг ойлгохгүй хэлбэрийг хуулах нэг тиймэрхүү.

1 comment:

miracle said...

Өө би тэгүүл шал буруугаар бодож явсан бна шд. Хуруунуудаа өөр лүүгээ харуулбал Victory гэж бодоод бсан шд