Friday, August 1, 2008

Дуулиан тарьсан эмүүд

Энэ долоо хоногт дуулиан тарьсан хоёр эм бий болсоныг зарлав. Эхнийх нь болох Alzheimer өвчнийг зогсоох чадалтай Rember гэгч эмийг английн судлаачид бүтээжээ. Дэлхийн хүн амын наслалт ялангуяа өндөр хөгжилтэй орнуудад хурдацтай уртасч, насжих тусам өвчлөлтийн эрсдэл нэмэгдэх энэ өвчин олон орны эдийн засагт мэдэгдэхүйц нөлөө үзүүлж эхэлжээ. Өмнөд солонгост гэхэд л эрүүл мэндийн салбарт зарагдах төсвийн 50% нь энэ өвчнөөр өвчилсөн хүмүүсийн асаргаанд явдаг аж. Энэ өвчин чухам юунаас болж үүсдэг нь тогтоогдоогүй байгаа ч удмын болоод гадаад орчны хэд хэдэн хүчин зүйл нэрмээс болдог гэнэ. Rember эмийг туршсан 321 өвчтөний ой санамж 81% иар сайжирсаныг тэмдэглүүштэй амжилт хэмээн үзэж, энэ айхавтар өвчнийг эмчлэх найдвар төрлөө хэмээн олон орны эрдэмтэд үнэлжээ. Уг эм Alzheimer өвчний шинж тэмдэг болох мэдрэлийн эсүүдэд үүсдэг уургийн талст үүсэх явцыг зогсоох замаар өвчтөнүүдэд таатай нөлөө үзүүлдэг байна.

Дараагийн ололт нь америкийн судлаачдын бий болгосон биеийн хөдөлгөөний нөлөөг ихэсгэх чадвартай AICAR ба GW1516 гэсэн хоёр эм аж. Эдгээр эмийг туршсан хулганууд жирийн үеийнхээс 44% иар илүү хурдтай бас 77% иар удаан хугацаагаар гүйх чадвартай болдог гэнэ. Эм PPAR-delta гэсэн мастер генд үйлчлэх замаар бодисын солилцоонд нөлөөлдөг бөгөөд чихрийн шижин өвчтэй хүмүүсийн эрүүл мэндэд таатай нөлөө үзүүлэх болно гэж тооцжээ. Хөдөлгөөн багатай над шиг улсад нэг их чармайлт гаргалгүй жин хасаж бас биеийн тамир хийдэг улсад илрэх таатай үр дүн гарах юм байна. Харин ийм эм худалдаанд гарвал хамгийн түрүүнд тамирчид хүч тамирын сэргээш болгон хэрэглэх магадлалтай учир олон судлаачид тийм ч таатай биш хүлээж авч байгаа аж. Ийм эм уусныг илрүүлэх тест аль хэдийн зохион бүтээчихсэн юм байхаа.

Энэ хоёр ажил анагаах ухаанд ямар ч гэсэн их том ололт юм. Ямар нэг эм бүтээхэд дор хаяж 6-9 жил зардаг гэж бодохоор олон хүний нөр их хөдөлмөр шүү.

5 comments:

БумЭрдэнэ said...

Зарим эмнүүд эхлээд гарч ирэхдээ чухам л алт эрдэнэ шиг байснаа хэдхэн жил болоод үүнээс өөр хор байхгүй мэт болчих юм.

peakfinder said...

бумэрдэнэ >> Yur n' yamar ch emiig zov hereglehgui bol hor shuu dee. Ene hoyor emiin huvid neg n' edgeshgui ovchniig zogsooh chadaltai, nogoo n' hunii (amitny) bodisiin solilcoog zohicuulj boloh garc gedeg utgaaraa ssudlaachdiin dund tom neelted toocogdood baigaa yum. Ali ali n' heregleend ortloo bas neleen udah baih. Caashdaa olon turshilt sudlagaa heregtei l dee.

Дeстини said...

Alzheimer ih muuhai uvchin, hairtai dotno, uuriig ni geed asarch bui humuusee ch tanihgi boltol ni tuv medreliin system gemteej huniig "mal" bolgoj orhidog. Em garsan bol sain bolj dee.

A.Амарсайхан said...

Xoyordox em ny nad shig lazan xund xeregtei ed baina. Uuchixaad guigeed baidag xereg ee

Anonymous said...

ene 2 emnii talaar mongolooe delgerengui medeelel bnuu oruulj uguuch