Wednesday, September 19, 2012

Цэнхэртээд байна даа хө


Feeling blue
Үгчилбэл бүх юм цэнхэр санагдаж/харагдаж байна гэж болох. Гэхдээ энэ үгийг уйтгарлах гуниглах гэсэн утгаар хэрэглэдэг. Жишээ нь би арваад хоногийн өмнө хүүгээ Эдинбүргт оюутны байранд оруулчихаад felt blue. Гэр чимээгүй дүнсийгээд ч байх шиг. Түүнээс гадна хажууд байхгүй болохоор есөн шидийн юманд санаа зовох. Юмаа хаях вий, түлхүүрээ хаячихаад гадаа даарч зогсох вий, мөнгөө хаяад хоолгүй өлсөх вий гэж ирээд л юу эс байхав. Тэгэснээ бас өдөр болгон утсаар ярьж яршиг болохгүй санаатай их тэвчиж байнаа. Хүүд өөрт нь болохоор бие даан амьдарч юмаа өөрөө зохицуулах сайхан байх шиг, сайхан байхаас ч яахав дээ.

Саявтар Америкийн ерөнхийлөгчид нэр дэвшигч Мит Ромнийгийн "Обамаг сонгосон хүмүүс бол татавар төлдөггүй, нийгмийн халамжинд дулдуйдсан хүмүүс" гэж ярьсан бичлэг нь дэлгэгдэж бөөн шуугиан тарих шив. Энэ үйл явдалыг хэвлэлийнхэн "He put his foot in the mouth" буюу Ромний хөлөө амандаа хийв гэж мэдээлж байгаа юм. Дуулиан тарих хөлөө амандаа хийхийг харьцуулах гэж юу байхав харин хөлөө амандаа хийх нь өөрөө өөрийгөө хорлох, өөртөө дэгээ тавих гэсэн утгаар хэрэглэдэг байна. Мит Ромний чинь зайлуул намынхаа арваад хүмүүсээс шалгарч нэр дэвшигч болсон арай гайгүй нь гэж харж байсан бас л аймаар хүн байгаа биз. Ер нь бүгд найрамдах намынхан гэж аймшгийн хүмүүс байх юмаа. Тэр Мишээл Баахман, Сара Пэйлин, Санторум гээд дундад зуунаас ирсэн улсууд шиг юм ярина, тэрийг нь хүмүүс дэмжих нь бүр сонин. Саявтар сэнатэд тус намаас нэр дэвшсэн Тод Эйкин юу гэчихэвээ, "жинхэнээсээ хүнчиндүүлсэн эмэгтэй жирмэсэлдэггүй" гэж хүн амьтны нүд амыг орой дээр нь гаргах шив. Мань хүн үр хөндөлтийг хүчингийн үр дүн байсан ч хорих хэрэгтэй гэсэн үзэл бодлоо тэгэж тайлбарласан байгаа юм. Дээр нь америкийн эрүүл мэндийн даатгалд чинь жирэмслэлтээс хамгаалах эм, ерөндөг зэрэг хамаардаггүй. Тэгсэн мөртлөө эрчүүдийн Виаграг даатгал даана гэж байгаа. Энэ америкчуудаа гэж...


3 comments:

Anonymous said...

Tegsen mortloo Mittney ooroo orlogiin tatvar mash ochuuhen toldog, horongoo offshore bairluultsan, tatvariin tailangaa nuugaad delgej chadahgui baigaa l hun shu dee. Republican party humuusees demjleg avaad baina geheer l gaihaltai baigaam doo.

Гилийн хатан said...

tsenhertehgui shuu hu

ali ch ulsiin mass tiimerhuu dundad zuunii uyeiin um yarihaar demjeed baih shig. Manaih ch yalgaagui

Gavaa Lkhava said...

Huuh tm uu? USA tgvl bas sonin l uls ym baina daa. Hmmm. sonin gesnees Koread ireh onoos jiremsnees hamgaalah em, erundugiig emchiin joriin bichigteigeer emiin sand hudaldaalna gej huuli garaad buun ym bolj baigaa shdee. turult bagasch bgaatai tegj temtseh ym gsn, utgagui sanagdaad bgaam daa.