Monday, January 7, 2013

Шинэ оны анхны бичлэг


За та бүхэн сайхан баярлаж, сайхан амарцгаасан биз дээ. Би нь бахь байдгаараа хүүхдийн амралт эхлэнгүүт гараад уржигдар л нэг юм гэрийн бараа харлаа. Ууж идэж зугаалах гоё ч, амралт дуусаад байдагтаа ирж өөрийнхөө оронд унтах ч бас сайхан шүү. Амралт болгоноор хэсээд алга болдог болохоор манайх гэдэг айл энэ байранд нүүж ирээд жил гаруй болж байж тохижиж амжаагүй, өрөө болгонд бас хонгилд хэд хэдэн цаасан хайрцаг задраагүй байж л байдаг. Доторхийг нь жил гаруй болоход үгүйлээгүй юм хойно хэрэггүй хог новш юм байлгүй дээ гээд гаргаад хаячихаж арай түвдэхгүй л байна. Хананд өлгөх зургануудаа энэ хананд гээд түшүүлж тавьчихаад өлгөөгүй (за энэ бол миний буруу биш хар хүнийх юм биз ээ), тэр нь шал цэвэрлэх болгонд түвэг болсоор. Ирэх жил гэртээ өнжөөд хүн шиг тохижсон чинь бас нүүх болчихдог юм болов уу ккк.

Миний хувьд энэ жил их сайхан жил болох нь ээ. Энэ зун монгол явах тодорхой болсон, адгуу хүн чинь хоног тоолоод эхэлчихсэн. Амьтан ах дүүтэйгээ тав тухтай уулзах юм шүү гэж бодоод байна. Хамгийн сүүлд хариад үерт боогдоод арваад айлаар хоёр өдөр хальт мөлт орсон болоод гарсан. Уулзсан ч юм шиг уулзаагүй ч юм шиг онцгүй юм билээ.

Энэ жилийн цагаан сараар ганц гэрээр биш хоёр айл нийлж битүүрэх байх. Энд амьдардаг залуутай сая онгоцны буудал дээр таарч, өнөөх маань цагаан сараар хэсэх айлтай боллоо гээд их баярлаж, бидэнд ч бас шинэ сонин сайхан байх нь гээд их бэлэгшээж байгаа. Өнөөдөр бас энд шотландын нэг сургуульд сурдаг бололтой залуу уулзах юмсан гэж эмайл бичжээ. Үгүй ингээд олуулаа болох шинжтэй, энэ завшааныг ашиглаад би гэдэг хүн гэр орны тохижилтын ажлыг хурдасгаж, цагаан сараар ямар ч гэсэн хайрцагаа суллаж, хэдэн зургаа өлгөсөн байя гэж зорилт тавиад байна. Цаг нь ирсэн баахан шалтаг тоочоод хийгээгүй сууж чадах л хүн шүү ккк.

Зорилт гэснээс блогдоо олигтой бичлэг оруулаагүй уджээ. Ямар ч гэсэн оны өмнө уншсан хэд гурван номныхоо тухай, сая тэнүүчилсэн Луар голын хөндийн хаадын ордын тухай мартахаасаа өмнө бичих юм шүү. Тэгэж хэсэж явахдаа цагтаа мөнгө хөрөнгийг хайр найргүй үрж тансаглаж байж гэж ойлгож болох авч эцэстээ ингээд түүхийн гэрч болж үлдэх нь сайхан хэрэг юм уу даа. Лондонгийн өнөөгийн төрхийг бий болгосон хунтайжийг цагтаа английн парламент, жирийн иргэд жигтэйхэн их шүүмжилдэг байсан гэдэг. Гэтэл өнөөдөө Лондон хотын нүүр царай тэр хүний хийснээр л байгаа юм даа. Өнөөдөө нэг их сүйдтэй биш санагдах юм хэдэн зуун жилийн хойно үнэд орж, тэр бүү хэл бидний цаг үеийг тодорхойлох ч юм уу хэн мэдлээ.


Шэнонсоо ордон (Chateau de Chenonceau)


Шамбор ордон (Chateau de Chambord)


Шэвэрний ордон (Chateau de Cheverny)

Би чинь өнгөрсөн зуны аялалынхаа тухай бичиж дуусгалгүй орхисноо яаж ийгээд дуусагх юмсан гэж бодоод л байна. Хэд хэдэн янзын хоолны жор туршсан, зурагнууд нь байж байгаа эмхэлэмээр болчихож. Хийх юм их байнаа, завгүй жил болох нь, үгүй тэгээд хийх юмгүй гиюүрсэнээс хамаагүй дээр биз дээ. Та бүхэн ч гэсэн энэ жил завгүй байгаарай даа.



5 comments:

Anonymous said...

UK nadad ih taalagddag yum. London hed ch ochson shine setgegdel toruuleed goyo hot. Ungursun namar London, Oxford, Cotswolds, Nottingham, Birmingham, Liverpool gesen hotuudaar yavsan. Humuusiin yarih ni Cambridge, Oxford 2 ih adilhan geed baisan bolovch Oxford ni hamaagui iluu sanagdsan. Daraa Scotland-aar yavah bolomj oldoh baihaa gej naidaj baina.

Anonymous said...

UK nadad ih taalagddag yum. London hed ch ochson shine setgegdel toruuleed goyo hot. Ungursun namar London, Oxford, Cotswolds, Nottingham, Birmingham, Liverpool gesen hotuudaar yavsan. Humuusiin yarih ni Cambridge, Oxford 2 ih adilhan geed baisan bolovch Oxford ni hamaagui iluu sanagdsan. Daraa Scotland-aar yavah bolomj oldoh baihaa gej naidaj baina.

Unknown said...

өшөө олон гоё зүйлээсээ оруулаарай, хүлээж байя. нэг сонин бодол төрлөө, тэнд байгаа монголчууд биесээ олоод баярлаж, улам олуулаа болох юмсан гэж байхад, монголд байгаа бид энэ олон уулзалтуудаас заримдаа залхах юм даа. эхийг нь эцээж, тугалыг нь тураахгүй байя гэвэл ер нь энэ биес дийлэхгүй шинжтэй

chuups said...

huleeej baiy. goe bichleg zurag oruulaarai

Meegaa said...

Shine onii mend hurgeye!
hiij amjaagui ajilaa duusgaarai gej yorooy, ene bolomjiig ashiglaad oortoo bas yroochihyo geed bhgui yu. hahah
bi alibomniihoo heden tsuragiig goy evluulj naana, naah gej bna geseer jil toirson ene jil 2013 ondoo l amjuulya geed bj bna daa.

Tsagaan Sar ch dohoj bna shuu.