Friday, December 21, 2007

Андуурал

Бүдэг гэрэлд битгий ном уншиж бай, хараа чинь муудна гэж аль бага байхын аав маань хэлдэгсэн. Биед шингэн дутаахгүйн тулд өдөрт 8 аяга ус уу, бид тархиныхаа зөвхөн 10% ийг ашигладаг гээд өдөр тутам хүмүүс болоод тэр ч байтугай эмч нарын итгэдэг, хэрэглэдэг ажиглалтууд яг үнэндээ бол шинжлэх ухааны үндэслэлтэйгээр батлагдаж байгаагүй, ихэнх нь буруу болохыг Америкийн Индианагийн Их Сургуулийн хэсэг нөхөд тогтоож, British Medical Journal д хэвлүүлжээ.
1. Шингэнээр дутахгүйн тулд өдөрт дор хаяж 8 аяга ус уу. Энэ бол ердөө л цуурхал гэнэ. Хүн өөрт хэрэгцээтэй шингэнийг жимсний шүүс, сүү, тэр ч байтугай цай, кофеноосоо ч авах чадвартай байдаг гэнэ. Гэснээс чухам ийм итгэл үнэмшил нөгөө савласан усыг моодонд оруулж, том бизнес болгосон шүү дээ.
2. Бид тархиныхаа зөвхөн 10% ийг л ашигладаг. Энэ бас буруу ойлголт гэнэ. Хүн тархиндаа бага ч гэсэн гэмтэл авахад л оюун ухаан, ааш ариншинд өөрчлөлт гарч, заримдаа бүр комд орох тохиолдол олон байдаг. Тархины соронзон дүрслэлийн зурагнуудаас харж байхад тархинд идэвхгүй байгаа хэсэг ерөөсөө харагддаггүй гэсэн шүү.
3. Хүн үхсэний дараа ч хумс, үс нь ургадаг. Хүн үхсэний дараа бие хатаж, агшихад хумс, үс ургасан юм шиг харагдахаас тэд ургадаггүй. Үс, хумс ургахад шаардлагатай дааврын комплекс үйл ажиллагаа хүнийг үхэхэд бас зогсдог учраас дараа нь үс, хумс ургах ямар ч боломж байхгүй гэнэ.
4. Бүдэг гэрэлд ном унших нүдэнд муу гэдэг бас батлагдаагүй ажиглалт гэнэ.
5. Үс хусахад эргээд ширүүн, өтгөн болж ургадаг. Энэ групийнхны тайлбарлаж байгаагаар үсгүй байгаад эргэж ургахад хүнд илүү ширүүн, өтгөн болчихсон мэт санагддаг болохоос үс өөрөө өөрчлөгддөггүй гэсэн байх юм. Энэ харин яах аргагүй миний ажигласнаас зөрөөд л байгаа юм даа.
6. Эмнэлэгт гар утас хэрэглэх хортой. Эмнэлэгт байгаа олон багаж төхөөрөмж гар утастай цахилгаан соронзон интерференц үүсэх магадлал нь бас л батлагдаагүй юм байхаа.
7. Цацагт хяруулын мах триптофан хэмээх амин хүчлээр баялаг учраас нойр хүргэдэг. Нягтлаад үзэхэд тахиа, цацагт хяруул, үхрийн мах ойролцоо хэмжээний триптофан агуулдаг нь тогтоогджээ. Харин их хоол идсэний дараа тархинд дахь цусны эргэлт багасгадаг учраас нойр хүргэдэг гэж тайлбарласан байна.
Тэгэхээр алив ажилглалт зөвлөмжийг судлалгүйгээр шууд шүүрч авч хэрэгжүүлэх бас буруу юмаа. Тунгааж бодож, батлагсан эсэхийг нягтлах хэрэгтэй юм байна шүү. Нөгөө талаар зарим ажиглалт батлагдаагүй болохоор буруу гэж бодох нь учир дутагдалтай юм шиг санагдаад байх.

9 comments:

тэнэмэл said...

peak..hey..zul sariin bayriin mend xyrgiii..:-)

ganga said...

Burenhiid nom unshihaas ehleed, kofe juus gollood us baga uudag geh met olon yumii dagadaggui tul ikh ayataihan anduural baina.
Zul sariin bayariin mend hurgeye, saikhan bayarlaarai

hikari said...

оооон, ийм байсымуу.
баярлалаа
Баярын мэнд хүргэе

БумЭрдэнэ said...

За хө мэдэж авлаа. Заримдаа тэгдэг ингэдэг гээд л эхнэр бид 2 маргадаг юм. Энийг үзүүлнээ

ZAYA said...

Нээрэн тийм байх шүү.

Пүүж said...

Nas barsan hunii gariig ni atgasan heveer ni orhichihoor hums ni gariin algiig nevt urgaad nugoo taldaa garaad irchihsen baidag gej emee maani yaridag baij bilee. Tiim bolohoor nas barsan hunii gariin algiig delgej huruug ni teniilgej tavidag gesen.
Bas hums eznee hurdan uheesei, neg sain urgaj avah yumsan gej boddog bolohoor humsaa urguulahgui sain avch bai gej zahidag baisan.

sanakae said...

Бүдэг гэрэлт ном уншихаар нүд мууддаг нь үнэн, үс хусаад ургахдаа ширүүн болдог нь үнэн бүр пантинаар угааснаас хойш ширүүн болдог юм билээ. Эмнэлэгт гар утас хэрэглэх нь хортой нь үнэн. Бусад нь бол яахав итгэлээ. Тэгэхлээр Индианагийн Их Сургуулийн хэсэг нөхөд буруу л тооцоолж дээ.

Barimalch said...

Tiimee end neg helbereer hiisen sudalgaag oor ih surguulid oor argaar hiigeed oor ur dun gargaj bolno.

Hums urgadgiin tuhaid huvisgalaas omno niislel hureenii zahaar ter chigeeree hunii arag yas ovooloostoi end tendgui baisan humuus dandaa nas baragsadaa il orshuuldag baisan gedeg. Teheer tiim olon yanziin hunii uldegdeliig zarim tsoohon hun ochij anatomiin ajiglalt hiisen l baij taaraa tegeed hums urgadgiig togtooson baij bolno. "body farm" deer baij uzsen hun baival unen yum helne biz.

Anonymous said...

huush us sain uuh gedeg chn unen shde, zuvhun us l hunii sudas ru nevterch ordog, busad shingen bol no gesen shd. so tsusaa shingen bailgah n chuhal uchraas us sain uuh ystoi bz de, dahiad anduural gargaad bnu ugui yu