Monday, December 3, 2007

Secret Santa


Зул сарын баяр дөхөөд хотын гудамж байшин баярын гоёлоо аль хэдний зүүснийг өнгөрсөн хагас сайнд Манхаттан орж дэлгүүр хэсэхдээ олж харлаа. Цаг хугацаа ямар хурдан өнгөрнө вэ. Би амьхандаа цагтай уралдаж сургуулиа дуусгах гээд зүтгээд байгаа, зүтгэх тусам цаг улам хурдлах шиг санагдах юм. Ойрд ажил ихтэй завгүй, хүйтэн гээд ажил гэр хоёрын хооронд л явсаар удсаныгаа сая л олж мэдэв.
Хот орж дэлгүүр хэссэн нь бас учиртай. Зул сар тэмдэглэдэг орон бүхэнд энэ өдөр ойр дотныхондоо бэлэг өгдөг заншил бий. Гэр бүл, найз нөхөд, ажлынхан гээд урт жагсаалт цуварна шүү дээ. Зул сар дөхөөд ирэхээр сонин хэвлэлд хэнд хэчнээн гарын мөнгө зул сарын бэлэг гэж өгөх нь тохиромжтой талаар зөвлөгөө хэвлээд эхэлнэ дээ.
Манай ажлынхан цөөхүүлээ байхдаа бүгд нэг нэгэндээ бэлэг өгдөг байлаа. Манай даргад хүүхнүүдэд бэлэг авахад нь эхнэр нь тусалдаг бололтой, жигтэйхэн нямбай бас хэрэндээ чамин чимэглэж боосон бэлэг авчирч өгдөг байлаа. Харин бидэн хэд эргээд даргадаа юу авч өгөх билээ гэж толгойгоо гашилгадаг байв шив. Нээрээ юм болгонтой хүнд юу авч өгөх вэ, дээр нь эрэгтэй. Ер нь нэг их дотно бус эрэгтэй хүнд бэлэг авах хамгийн төвөгтэй санагдаад байдаг юм.
За тэгээд олуулаа болох хэрээр хүн болгонд бэлэг авах хэцүү, байх хэцүү асуудал тулгарахад, хэдүүлээ яриад "Secret Santa" хийж байя гэж тохирцгоосон юм. Ажлынхаа бүх хүмүүсийн нэрийг жижиг цаасан дээр бичиж саванд хийгээд нэг нэгээрээ сугалцгаана. Нэрийг нь сугалсан хүндээ дээд тал нь $20 орчим үнэтэй марзандуу бэлэг авч өгнө. Бэлгээ боогоод очих ёстой хүнийхээ нэрийг тавиад хэн нэгэнд харуулахгүйгээр бэлэгний хайрцгандаа хийнэ. Бэлэг задлах өдөр бүгдээрээ цуглаад бэлгээ задлаад, хэнээс ирсэн бэлэг болохыг таадаг юм. Манайхан голдуу нэг нэгнээ нэр бичсэн бичгийн хэлбэр эсвэл хэр багласан байдал зэргээс хамаараад таачихаад байдаг юм. Жишээ нь манай хоёр япон хүүхэн бэлгээ урлагийн бүтээл шиг л гоё бооно. Польш хүүхэн бол тоохгүй хайш яйшхан гээд, хараад байхад эрчүүд бас гайгүй нямбай боосон харагддаг. Гэхдээ л их хөгжилтэй байдаг юмаа. Харин нэр сугалахад заримдаа өөрийгөө сугалах тохиолдол бас гарсан тул манай програм бичдэг залуу web interphase тай програм бичээд, бид компьютерээр нэрсээ сугалдаг болсон.
Энэ жил надад таарсан хүн саяхан манайд шинээр ирсэн энэтхэг хүүхэн, танихгүй хүнд бэлэг авахад хэцүү байлаа. Гэхдээ л эмэгтэй хүн гэхээр сонголт арай өргөн юм даа гэж бодоод гараад явсан чинь дэлгүүр хоршоо, метро пиг хүнтэй хэцүүхэн л байлаа. Хаана ч очсон аймаар урт дараалал. Хүн ихтэй болохоор дэлгүүрийн юм бүр жигтэйхэн замбараагүй, зарим нь бүр газраар хөглөрнө гээч. Олон газраар орох гэж төлөвлөсөн боловч халшираад анх орсон дэлгүүрээсээ нэг хөөрхөн аяга олж аваад гарах шив дээ. Нэг даваа нь энэ. Цаана нь хоёр зулзага, хань ижил, ээж, хэдэн найз гээд бас жагсаалт гарчихсан байдаг. Дэлгүүр хэсэх дургүй, өдийд бүр аймаар. Ер нь л online shopping хийхээс гэж шийдээд байгаа.

5 comments:

нэмлэТ said...

secret santa chin harin ih dajgui sanaa yum bilee. bid hed bas haayadaa naizuuddaa tegej beleg ugdug baisan. harin ter program zohiogood uursdiin neree songohgui bolgoson gesen chin mundag sanagdlaa shd. engiin yum shig hirnee aihtar zaluu ve ter chin. ene gatsuur tanai geriinh uu. oroi deer n shuvuu suulgachihsan baina, bas l goy idea yum. manai end 12 saryn 6d huuhduuded beleg ugdug udur. Bid 2 bas tarhia gashilgaad l baina. Tegehdee huuhded beleg songoh tanihgui hund songohoos amarhan baih l daa.

ZolooGG said...

xaxa. good idia, turshij uznee

peakfinder said...

нэмлэТ>> ugui bas hun bolgond beleg avna gehgui cag hemnej baigaa yum l daa. Bas hogjiltei baidag yumaa. Manai ter program zohiodog zaluu ih surhii, chadahgui yum gej baihgui. Ene zurag manai naiziind avsan zurag. Ih goyo mod tavisan sanagdsan yum. Huuhduudiin huvid neg togloom neg huvcas gesen zarchmaar belgee songodog. Huuhded beleg avah saihan baidag yumaa.
ZolooGG>> Za tegeed turshilt yamar bolsonoo medegdeerei.

БумЭрдэнэ said...

Нуудаг нь сайхан санаа бна. манайхан зүгээр л нэрээ сугалаад тэр хүндээ ямар нэгэн юм өгдөг юм.

peakfinder said...

БумЭрдэнэ >> Yahav sonirholtoi bolgoj baigaa n' ter. Teruuhendee l hogjiltei saihan bayarlachihdag yumaa.