Wednesday, December 26, 2007

Майкл Блүүмбэрг


Хүндэтгэж явдаг улс төрчдийн нэг маань Нью Иорк хотын захирагч Майкл Блүүмбэрг юм. Польш гаралтай еврей гэр бүлд 1942 онд Бостон хотод төрсөн тэрбээр Жонс Хопкинсийн их сургуульд цахилгааны инженерийн мэргэжлээр суралцаж төгсжээ. Санхүүгийн software үйлчилгээний Bloomberg LP компаниа байгуулж амжилт гарган тэрбумтан болсон нэгэн юм байна. Форбс сэтгүүл 2007 онд түүний хөрөнгийг 11.5 тэрбум доллар хэмээн зарлаж, хөрөнгө чинээгээрээ америкт 34 дүгээрт бичигдсэн байна. Зүгээр л мөнгө олоод суусангүй олсоноо хуваалцдаг хөрөнгө чинээтэй хүмүүсийн жагсаалатанд бас нэлээн дээгүүр бичигддэг байна. Өөрийн суралцаж төгссөн Жонс Хопкинсийн их сургуульд 1996-2005 оны хооронд 300 сая доллар хандивласан гэдэг. Зөвхөн энэ сургуулиар зогсохгүй дэлхийн эрүүл мэндийн байгууллага, хүүхдүүдийг тамхинд орохоос сэргийлэх байгууллага, халдварт өвчинтэй тэмцэх байгууллага зэрэг олон газар 2004 онд 134 сая, 2005 онд 144 сая, 2006 онд 165 сая доллар тус тус хандивлажээ.
Бизнест хүчээ сорьж амжилт байгуулсан тэрээр 2001 онд Нью Иорк хотын захирагчийн сонгуульд оролцож ялсан байна. Гэхдээ зүгээр нэг хотын захирагч болсонгүй, хотын захирагчийн албатай ирдэг цалин пүнлүү, эрх ямбаас татгалзаж олныг шуугиулж амжсан юм. Хотын төсвөөс бэлэг тэмдэг төдий жилд 1 долларын цалин авдаг тэрбээр хотын захирагчийн сууц болох Gracie mansion д амьдрахаас татгалзан, өөрийн байрандаа амьдарч өглөө бүр ажил уруугаа метрогоор ирдэг гэсэн шүү.
Хотын захирагч болоод хотын бар ресторанд тамхи татахыг хориглосон ба энэ оны эхнээс хотын хоолны газруудад транс тосны хүчил буюу маргарин хэрэглэхийг мөн болиулжээ. Эдгээр шийдвэр дор бүрдээ олон эсэргүүцэлтэй тулгарч байсан ч хүмүүст нэр олохын төлөө биш зөв бодлогын төлөө санасандаа хүрч чадсан даа. Хотын нийтийн сургуулиудад ч бас бүтцийн томоохон өөрчлөлтүүд хийсэн нь эхнээсээ үр дүнгээ өгч байгаа харагддаг. Миний бодлоор энэ хүн холыг харж прагматик шийдвэр гаргадаг санагддаг, тэр нь ч олны талархал хүлээсэн нь 2005 онд улиран сонгогдсоноор харагдсан юм. Өөрөө няцаасан хэдий ч түүнийг АНУ-ын ерөнхийлөгчид нэрээ дэвшүүлнэ гэсэн таамглал явсаар буй. Энэ хүн үнэхээр сайн ерөнхийлөгч болж чадах зангарагтай хүн харагддаг.
Хувийн ашиг харж биш ажлаа сайн хийхийн төлөө явж чадах хэдэн ийм хүн манайд байдаг бол ч гэж бодогдоод байх.

3 comments:

melkadies said...

peakfinderaa tom gazar uul ni negdugeert bolomj ihtei, hoyordugaart todorhoi neg sedevt barigdahgui songolt ihtei biadag gej bodood baigaan uul ni ch yu hevluulseniig l harna l daa. gehdee sedevt barigsan yum l hevluuleh bolov uu gej bodoj bna. neeree major yu ve? haana togssiin.

ganga said...

Amerikchuud hoyor zuugaad jiliin tertee iim baigaagui, bie biesee hemleed, yag l odoogiin manaihan shig . Manaihan ho'rongojood ho'gjood ireheeree olni to'loo gar sarvaidag boloh baih.UB-in 1-r arvan jiliin surguuliin 80 jileer zarim bayachuud surguulidaa PC kabinet tonogloj belegleed baisan. Manaihan udahgui ene ANU shig boloh baih aa.

peakfinder said...

melkadies>>ter ch bas tiim shuu. hamgiin chuhal n' mentoroo zov songoh asuudal. jijig gazar sain bagshtai baih n' tom gazar muu bagshtai baihaas hamaagui deer. bi togsoogui ee, odoo l togsoh sanaatai. bi epigenetics sedveer ajillaj baigaa.
ganga>> ter yah argagui unen shuu. gehdee l eldev hel am tasrahgui yumaa. Bloombergiin omnoh zahiragch Guilianni nuuc amragaa cagdaagiin hamgaalalttai ayaluulsan ene ter geed shuugiad baisan. ug n' iimerhuu haricuulalt hiih gesen uhaantai bolovch bichgiin chadvar muutai hun sanaagaa sain gargaj bas l chadahgui yumaa.
za tegeed sain cag hurdan ireesei dee.