Монголд танил болсон яриа:
- За сайн уу хө?
- Үгүй ойрд бие тааруу, ядраад нэг л бишээ.
- Ядарч байвал витамин тариагаар хэрэглэ.
Зарим нь эмчийн зөвлөгөөний дагуу зарим нь дураараа хэрэглэнэ. Энд ч мөн ялгаагүй хүмүүс дэлгүүрээс мултивитамины бэлдмэл авч өдөр болгон шахуу хэрэглэнэ. Хүмүүсийн тархинд витамин хэрэглэх сайн, элдэв өвчнөөс сэргийлнэ, дархлал сайжруулна, ялангуяа жирэмсэн бол заавал уу. Зурагтаар ийм найрлагатай ийм хүнд сайн гэх зэргээр сурталчилна.
Амин дэм яах аргагүй хүний биед зайлшгүй хэрэгтэй эд. Бид өөрсдөө бий болгож чадахгүй учраас хоол хүнсээрээ дамжуулан авч хэрэглэнэ. Шинжлэх ухаан хөгжөөд ирэхээр амин дэмийг цэвэршүүлж, янз бүрийн найрлагаар зарах болжээ. Гэхдээ биенд сайн гээд хамаа замбараагүй хэрэглэх буруу болж өгвөл байгалийн гаралтай хоол хүнснээс аваад, амин дэмийн бэлдмэл хэрэглэхгүй байхыг хичээ гэсэн зөвлөмж саяхнаас үзэгдэж эхэлсэн юм.
Витамин С дархалааг сайжруулна, илүүдвэл шээсээр гарчихна элдэв гаж нөлөөгүй ууж байхад гэмгүй хэмээн бага байхдаа үрлэн чихэр шиг иддэг байснаа санах юм. Сүүлд учиргүй ихээр хэрэглэвэл судас хатууруулах аюултай гэдэг нь тогтоогдсон.
Витамин А угаасаа тосонд уусдаг ихэдвэл хордлого өгдөгийг хүн бүхэн мэдэх байх. 2002 онд Финляндад 29000 тамхи татдаг эрэгтэйд хийсэн судалгаа А витамин бэлдмэл хэлбэрээр хэрэглэдэг хүмүүсийн уушигны хавдартай болох магадлал эрс өссөн (18%) байжээ.
Витамин Е мөн л удаан хугацаагаар бэлдмэл хэлбэрээр хэрэглэвэл уушигны хавдар үүсэх магадлал 38% (тамхичдад түүнээс илүү хувиар) өсдөг гэсэн дүгнэлтэнд Америкийн Колорадо муж улсад хийсэн судалгаа хүрсэн байна. Харин Е витаминаар баялаг хоол хүнс хэрэглэдэг хүмүүст энэ эрсдэл бага байдаг аж. Самар, ногоон навчит ногоо, чидун жимс, эрдэнэ шиш, ургамлын тос энэ амин дэмээр баялаг байдаг. Е витаминыг чухамхүү сул радикалыг биеэс зайлуулж хорт хавдраас сэргийлэх чадвартай хэмээн сурталчилж байсан нь ийнхүү эсрэг үр дүнд хүрчээ. Сайн хэдий ч хэмжээ хэтэрвэл хор болохын жишээ энэ юм уу даа.
Бидний хувьд амин дэмийг хоол хүнснээс л авч элдэв эм бэлдмэлээс хол явах нь зөв болж таарлаа. Харин жирмэсэн эмэгтэйчүүд амин дэмийн бэлдмэл хэрэглэж байхгүй бол болохгүй шүү. Фолийн хүчил үр хөврөлийн мэдрэлийн систем бүрэлдэхэд зайлшгүй шаардлагатай байдаг.
Subscribe to:
Post Comments (Atom)
5 comments:
чидун жимс...gej yamar jimsiig helne be. hehe. neeren l medhed iluudehgui ed shuu, tnx
болжгоно>> Oliviig chidun jims gej mongolchildog yum baina lee.
Зарим витаминуудыг чинь хамт ууж хэрэглэж болохгүй гэдэг юм билээ. Нэг нэгтэйгээ урвалдаж, сөрөг үр дагаварт хүргэдэг гэсэн.
Манайхан чинь хавар боллоо. Ядарч байна гээд л бөөн бөөнөөр нь витамин иддэг хүмүүст хэрэгтэй мэдээлэл оруулсан байна.
Vitaminii huvid gevel laboratorid hiisen turshiltiin ur dun hunii bie mahbodid ochson hoinoo uzuuleh nuluunuus tes esreg uilchilgeetei baih tohioldol hed heden vit-d batlagdsan. Uurt ajiglasnaa bichvel bi vitamin uusan saruudad jin nemj orhidog. Mongoliin huvid bol shine nogoo jims oroi garah esvel hujaagiin (ted delhiin jishigt horigloson pecticide, fertilizer toohgui hereglene) nogoo jimsees hamaarangui baih tul vitamin, erdes bodisiig taaruulan hereglevel zugeer baih gej boddog.
Quebec-ees: Tun chuhal medeelel bainaa, bayarlalaa. Blogoor chin orood 1 shine yum medeh bolgondoo undur medleg bolovsroltoi hun yum gej baharhdag shuu.
Post a Comment