Wednesday, September 5, 2007

Бостон явсан тэмдэглэл

Жаахан том гарчиг өгчихлөө. Уг нь манай эндээс нэг их хол биш ч гэсэн хэдэн жил болоход очиж үзэж амжаагүй байсан юмаа. Тэгээд 2 сар гарны өмнө зорьж очиж үзсэн болно.
Бостон бол Америкийн хамгийн ууган хотуудын нэг л дээ. Анх анлиас дүрвэж ирсэн пуритан шашинтай хүмүүс Shawmut хойг дээр 1630 онд хот байгуулсан гэдэг. Анх Trimountaine (Гурван уул) гэж нэрлэж байснаа сүүлд Бостон нэртэй болжээ. Энэ хотод Америкийн түүхэнд бичигдсэн олон том үйл явдлын эхлэл тавигдсан, хамгийн баян түүхтэй хотуудын нэг л дээ. Томоохноос нь дурдвал 1770 аад онд Бостон хотын оршин суугчид болон улс төрчид Америкийг Их Британиас туурга тусгаарлахад их үүрэг гүйцэтгэсэн гэдэг. Америкийн тусгаар тогтнолын төлөө гол тулалдаанууд мөн энэ хотын эргэн тойронд болсон юм гэнэлээ. Мөн 19 дүгээр зуунд Америкт боолын ёсыг устгах хөдөлгөөн бас эндээс эхтэй. Түүхийг өнгөцхөн сонирхвол ийм.
Тэгээд 6 сарын сүүлийн нэг сайхан нартай өдөр Нью Йоркоос Chinese bus аар гарсан юм байна. Эндээс Бостон ороход 4 цаг орчим явдаг, автобусны билетний үнэ $15/талдаа. Ер нь эндээс хямдахн билетээр Вашингтон, Бостон, Филаделфи гээд томоохон хотууд уруу явдаг автобусны компани хэд хэд байдаг юм байна лээ. Тэнд очоод хотын төв орчимд зочид буудалд буусан. Хэдийгээр Массачусэц мужийн байтугай New England ийн хамгийн том хот гэлээ ч машин тэрэг гэлгүй, хүрэх газраа хоёр зээрдээрээ яваад юмаа үзчих боломжтой юм байна лээ.
Эндээс гарахдаа хот үзэхээс гадна хоёр зорилго тавьсан нь: халим үзэх (халим үзүүлдэг тур зөндөө байдаг юм байна лээ), нөгөө нь сайхан sea food идэх (хүн болгон тэгээрэй гэж захисан учраас).

Boston downtown skyline


Quincy market


The state house

Харвардын их сургууль энд байдаг гэдгийг хүн болгон мэдэх байхаа (тодруулахад Харвард Бостон хотод биш харин залгаа Кембрижэд байдаг). Мөн алдарт Massachusetts Institute of Technology (MIT) Харвардтай тохой залган байрладаг.

MIT campus

Whitehead Institute (MIT campus)

Brood Institute (MIT campus)

Бостон 18 дугаар зууны үеэс эхлээд Америк Европыг холбосон чухал боомт байсан гэдэг. Хойг болохоор гурван талаасаа усаар хүрээлэгдсэн, усан онгоц, далбаат завь их хэрэглэдэг юм байна.


Зуны улиралд халим Атлантын далайн энэ хэсэгт олноороо нүүдэллэн ирдэг гэнэ. Ер нь 9, 10 сар гартал загас, далайн бусад амьтнаар хоолож тарга тэвээр аваад өвөл болохоор өмнөд зүгийн дулаан усыг (орныг гэх нь хаашаа юм) зорьдог гэнэ. Бостонд усан онгоцоор халим байгаа газар аваачиж үзүүлдэг тур олон байдаг юм байна. Халим нэлээн элбэг бололтой, ихэнх нь заавал үзүүлэх баталгаа өгч байна, тухайн өдөр халим таараагүй тохиолдолд дараа үнэгүй авч явах ваучер өгдөг юм байна. Би ч за тэгээд усан доторх амьтан усан дээрээс яаж сайн харагдах вэ дээ гээд нэг их сүйд бололгүй явсан юм. Бидний замд 3 зүйлийн (humpback, blue fin, гуарв дах нэрийг нь санадаггүй) 5-6 халим таарсан. Ямар ч гэсэн төсөөлж байснаасаа их юм олж үзсэндээ их баяpлaсан юм байна шүү. Бүтэн бие нь харагдахгүй ч бас их сонирхолтой байcaн. Мөн аялалын туршид үзсэн харсан халимны тухай тайлбарлаж байсан нь улам сонин болгож байсан юм байна. Туршлагатай хүмүүс бол нурууг нь хараад тийм зүйлийн, төдий насны, тиймэрхүү хэмжээний гээд баримжаа хэлчихэж байна лээ.





За ямар ч байсан энэ аялалаас сэтгэл хангалуун буцаж ирсэн шүү. Нөгөө хавч, хорхойгоо ч бас олоод идсэн, сайхан байна лээ.

6 comments:

ganaa_bj said...

Bid gurav bas sayahan Boston yavsiinshd. Tegehdee halim uzeegui. Tenger burheg, manantai baij taaraad.
Quincy-d neg huurhun buudald buusan. Yavsan gol zorilgo maani Harvard uzeh baisan bolohoor hotiin tuvuur 2 honog tenesen. Mashintai yavahad jaahan tuvugtei gazar bna lee. Parklah gazar ch oldohgui, unen nervtei. MIT-aar bas orson. Seafood ch bas ideed avsaan....

Тэлмэн said...

ih saihan temdeglel baina, ochij uzeh yumsan.

peakfinder said...

ganaa_bj: neeree cag agaar taaruu baival halim uzeh hecuu baihaa. minii uzehed yosoti saihan nartai odor baisan.
telmen: neeree ireech dee. naashaa zuglevel manaihaar ireerei za yu.

Tuvshin said...

Uneniig helehed Boston nadad New York-oos iluu taalagdsan. Humuus ni nam taivan, architecture ni shine huuchin hosolson, intellectual atmosphere-tey geh met... Harin New York bol haashaa l harna buh humuus ni yaruu sandruu, bainga haa neg tiisheegee guij baina. Aimshigtay.

Hervee bolomj oldvol Cape Cod, yalanguya Martha's Vineyard ochij lobster tail, New England Clam Chowder idej uzeerey ;)

Endees minii Martha's Vineyard-Boston-New York gej hiisen aylliin zurguudiig uzej bolno http://www3.asuultserver.com/forum/viewtopic.php?t=47141&start=858

peakfinder said...

Tuvshin: yag tiim Bsoton amidarch bolmoor gazar sanagdsan shuu. cag davchuu baigaad sanaa baisan ch Cape cod yavj chadaagui. tegej baigaad neg gej bodood l baigaa. zurgiig chin' sonirhoj uznee.

Anonymous said...

Just want to say what a great blog you got here!
I've been around for quite a lot of time, but finally decided to show my appreciation of your work!

Thumbs up, and keep it going!

Cheers
Christian, iwspo.net