Wednesday, May 14, 2008

Зээ би нэг сайн эр болж...

Эмэгтэй байж багадаа сайн эр болох гэж их хичээдэг байжээ. Эрэгтэй хүн болох гэсэндээ биш сайн эр хүн ингэж чадна тэгэж чадна гэсэн тоглоом тоглож байснаас тэр. Сайн эр бол долоон даваа давна ч гэдэг юм уу, сайн эр болж гучин хоёр цагаан лонхыг нэг амьсгаагаар тоолъё гээд л чардайтлаа зүтгэдэг байлаа. Нагацын тал говиос гаралтай халх тэд гучин хоёр цагаан лонх гэж тоолдог бол, буриад авгынхан маань гучин хоёр шавар лонх гэж тоолно. Гижигтэй болохоор долоон даваа давж явсангүй. Гучин хоёр лонхыг ч нэг амьсгаагаар тоолж бараагүй юм байна. "Урагшаа" хэмээх нэртэй буриад ардын дууны СД сонсож суутал тэд бас шавар лонх тоолж байхыг үзээд бага насаа дурсав. Бодоод байтал би гэдэг хүн хүүхдүүдтэйгээ ингэж ер тоглоогүй юм байна. Санаж байгаад тоглох юм шүү. Харин одооны хүүхдүүдэд сайн эр гэж дуудуулах тийм том шагнал байж чадах болов уу?
Миний багад гоё сайхан тоглоом элбэг байгаагүй ч энүүхэн тэрүүхнээр болгоод их хөгжилтэй тоглодог байжээ. Нагац ах, эмээ хоёр маань чулуу таалцана, дунд хуруу олох, шагай няслах, шүүрэх гээд олон тоглоом зааж, намайгаа зугаацуулдаг байсан санагдана. Хагас бүтэн сайнд нагацууд маань том жижиг арваад хүн нийлж аваад шагай тоглодог байлаа. Хачин хатуу дүрэмтэй, тэрүүхэндээ шартай үзэлцэцгээнэ. Шагайгаа цэвэрлэнэ бас будаж гоёно. Ялангуяа уралддаг морьдоо бүр ч ихээр гоёно шүү дээ. Намайг нааш ирэхэд эмээ маань ууттай шагай өгсөн юм, тэднийгээ олж хүүхүүдтэйгээ бас тоглох юм байна шүү. Манай эмээ нээрээ шагай тоглоод биднийг дандаа хождог дархан аварга байлаа.

7 comments:

ZAYA said...

Манайхан бас шагай их тоглодог байв.
Томчууд нь даалуу бас их тоглодог. Хүүхэд байхдаа бушуухан том болж даалууны хуваарьт орох юмсан гэж их мөрөөддөг байлаа...

ganga said...

Багадаа бас шагай их тоглодог байлаа. Энд бараг нэг жижиг уут зөндөө шагайтай ирсэн. Хүүхдүүд сонирхсон хүнд өгсөөр одоо бараг байхгүй болчихсон.

Barimalch said...

shagai shuureh, mori uraldah bol hezee ch uidahgui togloomoo za nyaslah ch bas goy. Oor medegdeegui oron nutgiin shagain togloom baidag uu.

Anonymous said...

yun ch surhii halh, buriadaar ni yalgasan yum be dee huurhii gej. Tegeed CD sonsoj baisan chini shavar lonhoo toolood baisniig bas harsan yum baih daa? Uneheer mongol helendee bi muu bolchihson yumuu esvel "buriad-mongol" hel iim baidag yum bolov uu? yostoi buu med. Er ni tegeed buriad halh 2 oos avah yum hayah yum 2 ni adil l baih daa.

peakfinder said...

anonymous>> Tanii sanaand hursen hemjeend bichij chadaagui bol uuchlaarai. Baga nasaa dursaj bichsen uhaantai. Buriad aav, halh eejtei ter hemjeegeeree buriad halh zan zanshiliin yalgaag harj osson geh uu dee. Hen negniig muulj sailj yalgaj zaaglasan yum bish, huuhed baihdaa ajiglasnaa l huvaalcsan carai n' ter. Nogoo talaar yalgaa zaag n' bidnii soyol yamar orgon car hureeteig haruulsan sain hereg gej boddog. Herev bi baruun aimgiinhan ingej tooldog gej bichsen bol hunii sanaand neg ih torohgui baisan bolov uu.

peakfinder said...

zaya >> bagadaa oluulaa niilj yanz bureer ih toglodog baij dee. aav maan' haaya daaluu toglono, teriig n' yaj ch haraad uchriig n' olj chadaagui. tolgoi holboj shulegleed ih l zugaatai haragddag baiv.
ganga >> manai huuhduud shagai toglohgui yumaa. ugui tegeed zaaj hamt toglohgui bolohoor argagui yum uu daa.
barimalch >> alag melhii oroh gej bas neg goyo togloom bii. emeeteigee dorvon shagaigaar dorvon berh hayaj toglodog bailaa.

mind said...

geree sanaad baigaa yumuu daa...