Sunday, September 30, 2007

Сонирхолтой хагас сайн өдөр

Мidwest-д амьдардаг унгар найз бүсгүй манайд ирж хэд хоноод, ажил гэрийн хооронд эргэлдэж байсан амьдарлыг маань орвонгоор нь эргүүлж орхив. Хагас бүтэн сайнд юу хийх вэ гэхээр нь, чи шийд дээ гэсэн биш хэлсэн үгэндээ ороогдож хагас сайнд бүтэн дэлгүүр хоршоо хэсэв. Би гэдэг дэлгүүр хэсэхдээ тун тааруу нөхөр. Найз бүсгүй болохоор хоёр жил энд ирээгүй гээд худалдаж авах зүйлсийн уртаас урт жагсаалттай. Би сүүлдээ за би авсан юмыг чинь хараад сууж байя гээд үүдний сандал дээр сууж цаг нөхцөөх шив. H&M ийн үүдний вандан дээр суугаад шилэн ханаар гудамжаар явах түм буман хүнийг харж нүдээ баясгав. Нээрээ түм түжигнэж бум бужигнасан газар шүү энэ Нью Иорк. Өндөр нам, өргөн нарийн зүсэн бүрийн хүмүүс shopping хийгээд л сүлжилдээд л гэснээс дэлгүүрүүдэд палааж цамц нь мэдэгдэхгүй хувцас их зардаг болжээ. Дангаар нь өмсвөл дэндүү богино ч юм шиг, өмдөн дээр өмсөхөөр нөгөө бидний багад форм дээрээ өмд өмссөн охид санагдмаар сонин харагдаад, за даа моод мэдэхгүй надад бол хэцүүхэн эд санагдлаа.
Нээрээ тэгээд хүн харжээ суусан чинь гудамжны нөгөө талд эр эм хоёул гуйлга гуйж байхыг олж харав. Гайгүй цэвэрхэн хувцасласан байх юмаа, харин хар тамхи хэрэглэдэг болов уу гэмээр цонхигор шарангуй царайтай хүмүүс байх юм. Хүүхэн нь залуугийнхаа мөрийг дэрлээд нүүрээ нуусхийсэн маягтай гудамжны вандан сандал дээр сууцгааж байв. Залуу үе үе зүүн гараа маажаад л байх. Харж суугаад, би ер нь ягтаа тулбал ингээд сууж байх зориг хүрэх болов уу гэж өөрөөсөө асуугаад хариулж чадсангүй. Нэгэнт тохиолдоогүй юмыг төсөөлөх хэцүү байх л даа. Намайг дор хаяж нэг цаг тэнд суухад нэлээн олон хүн мань хоёрт юм өгч харагдсан. Нээрээ америкчууд тэр талдаа гар султайд ордог юм гэсэн. Эхлээд нэг хар хүүхэн, тэгээд байтал дунд эргэм насны цагаан хүүхнүүд, эрчүүд гээд, харин ази хүн юм өгч харагдсангүй. За даа манай монголчууд бол хүний газрын гуйлгачинд юм өгч болохгүй гэсэн хуультай бусад нь харин яадаг юм бол?
За тэгээд нэлээн байж байтал гэрэл дохиогоо гялалзуулсан цагдаагийн машин дэлгүүрийн өмнө ирж зогсоод л дотроос нь зүлгэчихсэн юм шиг хоёр цагдаа гараад ирэхээр за даа нөгөө хоёрыг маань хөөж туух нь дээ гэж бодсон тэгсэнгүй харин миний сууж байсан дэлгүүр уруу ороод нэг ч удалгүй хоёр залуухан бүсгүйг гавлаад гаргаад ирдэг юм байна. Бодвол дэлгүүрт хулгай хийхийг завдсан байх л даа, гэхдээ нэг их ядуу зүдүү царайгүй 20 иос хэтрээгүй болов уу гэмээр охид байсан. Нэг их ичиж тэвдсэн шинжгүй гарч ирээд цагдаагийн машинд суугаад явчихсан би ч энэ эдийн шуналаа гэж хэцүү юмаа гэж бодсоор үлдсэн юм.
Удалгүй миний ч ялын хугацаа дуусч би гэдэг хүн цаг гаруй суусан суудлаасаа ховхорч оройн хоол идэхээр товлосон ресторанаа зүглэх шив дээ. Явж байхдаа нээрээ би өнөөдөр гэрээсээ гараагүй бол ийм сонин юмтай таарахгүй байсан даа гэж бодож байлаа. Явсан нохой яс зуудаг гэж үнэн үг шүү.

14 comments:

bayabaga said...

bid 2 hagas saind yag adilhan 「shiitgeltei」bsiin bna..kek..bi BF ee deldur dotor bas yag cag huleej taarsan..

btw,zulgechihsen yum shig tsagdaa gej yamar tsagdaa ve??:D
bodood oldoggui..gyaltganasan har tsaraitai har?? tsagdaa yum bolov uu gej oiloo...

granola said...

haha zulgechihsen yum shig cops geheer nadad tsemtsger tseverhen huvtsastai cops tosoologdjiino, gyalgar har tsaraitai gesen ineed hureed boldgui. lol

hund yum ogohiin tuhaid Amerikuud dajgui shu, nadad ter ni ih zugeer sanagddagiin. Mongolchuudin guilga guisan hund yum ogohoos tseerleh shahdag ni yamar undeslelteig buu med. gachin yum sho :-)

ZAYA said...

he he bichih sonintoi bolson baina sh dee. Mongolchuud yagaad haramladag ve? gevel ariun tsagaan hudulmuruuruu olson munguu hair nairgui uren taran hiij bolohgui gej l baih... har tamhichin ch yum biluu? bolohgui sh dee

бж said...

bi zarimdaa gaihaad baidgiin. Harahad gaigui ulsuud guilga guichihsoon suuhaar ni.
Harin ih undur nastai ch yum uu, tahir dutuu hun baival harmaan dahi change-ee uguhuus bi neg ih tseerleed baidaggui ee...bur argaa barahdaa l gudamjind garsan baih daa gej uruvduud...

БЭ said...

yagtaa tulna ch gej baihgui shuu, tegej uruugaa harsan yum bodoj yaj boldog yum, harin ter gonio 2 ohin bol denduu yum, bur surtsan garuud baih l daa. harin ch barigdaad yavsan n ovoo doo. za tegvel NY orhooroo peakfinder-eeree gazarchluulan tsug shopping tour hiine ee gesen.

byambaa said...

mglchuud chin hund uuriin garaar handiv ene ter uguhduu tseertei handdag ni ergeed ter huniih ni lai lanchig irne gej uzdeg yum bishuu, yamar neg huneer damjuulj uguh heregtei gej uzdeg humuus bdg yum bna lee. lam nar tegj ailddag bhaa

peakfinder said...

bayabaga>> zulgechihsen yum shig gedeg n' cemcger gej helj baigaa uhaantai yumaa. huvcas n' aimaar induudlegtei buu zevsegee agschihsan, gutlaa tosolchihson geed l...
delguur ih heseh ch hecuu ed shuu tee?
granola>>chi yag zov tosooljee. harin bi amerikchuudiin eldev handivt gar tatdaggui zang n' bas hundelj yavdagaa.
zaya>> harin heleed yah ve. bi ch gesen ogdoggui, ogson mongoor arhi uugaad har tamhi heregleed baival hund muu yum hiisnees yalgaagui bolchih yum shig sanagdaad baidag.
ganaa_bj>> ooroo yur n' ih orovch zoolon hun yum shig sanagdaad baigaa shuu. tiim baij chadna gej bas l goyo shuu.
telmen>> tegeerei, namaig baihad irvel hamt gulya darnaa.
byambaa>> zaaval nariin uchir baigaa l daa. harin hun bur ooroor heleed baidag. namaig anh l gereesee yavahad manaihan za hunii gazar tegej boldoggui yum shuu, gai barcad n' cham deer ergeed irne shuu gej baisan yum baina. bi ch neg ogvol mongoldoo l ogno gesen neg tiim jalga dovnii uzeltei gej baigaa.

бж said...

tenhluun yavahad ni temeegeer tusalsnaas tevdej yavahad ni tevneer tusal gedgiig sanaad l tegdegiin...

artagnan- артаньян said...

Хэхэ дэлгүүрээр жоохон явахаар удалгүй бүх дэлгүүр адилхан юм шиг санагдаад байдийн. Хөл мөл өвдөө л ядаргаатай. Гээд яахав дээ одоо. Заримдаа эхнэрээ дагаад явж өгнө шүү.

Түмэнбаярын Бум-Эрдэнэ said...

маш энгийн зүйлийг маш сонирхолтой болгож бичдэг авьяас чамд байна даа. Миний хувьд дэлгүүр хэсэх гэдэг ёстой нэг там. Гэхдээ элдэв янзын багаж болон хог новшны лангуугаар бол хэдий хэр удсанаа мэддэгүй гэж байгаа

peakfinder said...

artagnan- артаньян>> miniih holteigoo nuruu ovdono geech.
БумЭрдэнэ>> hooh za yostoi aimaar magtuulsan shuu. hoyor hacar chas ulaan bolson baina. sonirholtoi hog novsh bol bas dajgui shuu. hamgiin zalhuutai n' huvcasnii delguur gehdee huuhdiin huvcas bas muugui shuu tee?

Anonymous said...

Хэхэ,би бас дэлгүүр хэсэх аймаар дургүй шд. Жинхэнэ ядаргааны ажил гэж боддын. Пээ нүгэл байгаа даа, гуйлга гуйгаад суух тухай бодно гэдэг чинь... Харин тэр цагдаад баригдаад явж байгаа хоёр охин ямар аймаар ийн...

peakfinder said...

Муланка>> za tegeed ger bultei bol durtai durgui ch heseh heregtei boldog yumaa. suuldee lag tolovlogoo zohiogood l tovloson yumaa shuurch avaad l bas suraad baigaa shuu.
harin yaduu zuduu shinjgui baij ter hoyor ohiniig ih gaihsan shuu.

Arsun said...

Би багаж төмрийн хог гэвэл их дуртай. Эхнэр маань хүлээгээл, сүүлдээ халдварласан гэж байгаа.