Sunday, March 2, 2008

Парис

Нью Иоркийн East village-д байх IFC кинотеатрт "Rendez-Vouz with french cinema" гэсэн францын кино өдрүүд энэ амралтын өдрүүдэд эхэлжээ. Энэ өдрүүдэд АНУ д хараахан гаргаж эхлээгүй францын шинэ кинонуудыг үзүүлж, кино бүтээсэн уран бүтээлчидтэй уулзуулах юм байна. Бүтэн сайнд "Парис" хэмээх Сэдрик Клапиш (Spanish apartment, Russian dolls) найруулагчийн бичиж найруулсан кино үзэхээр интернэтээр билет захиалсан байсан юм. Уг киноны гол дүрд миний дуртай жүжигчин Роман Дурис тоглосон байхаар нь үзье гэж шулуудсан нь тэр.
Гэрээсээ кино эхлэхээс бараг хоёр цагийн өмнө гарсан боловч яриандаа халаад буудлаа өнгөрч будилсаар эхлэх цагийг бараг тулгаж очоод үзээгүй юмаа үзэх нь тэр. Кинотеатрын гадаа уртаас урт дараалал байх нь бага байхдаа шинэ кино үзэх гэж оочирлодог байсныг санагдуулав. Ярианаас нь ажвал маш олон франц бас оросууд цугласан байлаа. Бүх билет зарагдаж дууссан гээд үзэгчдийн танхим битүү, сүүлдэсхийж очсон бидэнд нэлээн урд эгнээний хажуугийн суудал таарч гонсойлгов. Кино эхлэхэд дэлгэц яг нүүрэн дээр тулчихсан мэт бас бүтэн харахын тулд жаахан гэлжийх хэрэгтэй боллоо. Гэхдээ киноны үйл явдал ид өрнөх цагаар тэр бүгдийг мартаж өөрөө кинон дотор байгаа мэт баясав.
Парист амьдардаг хэд хэдэн хүний амьдрал, баяр гунигийг харуулсан энэ кинонд өмнө дурдсан Роман Дурис, Жулиет Бинош, Фабрис Луккини гээд мундаг жүжигчид гайхалтай тоглоцгоосон санагдлаа. Үхэл амьдрал, хайр дурлал, цагаачлал, арьс өнгөний үзэл гээд олон хүнд сэдэв дүрсэлсэн ч хошин шогийн нарийн мэдрэмжтэй, хоёр цагийн кино тун хурдан дуусчих шиг санагдав.
Киноны дараа найруулагч Сэдрик Клапиш өөрийн биеэр хүрэлцэн ирж үзэгчдийн асуултанд хариулсан юм. Яахав дэлгэцэнд ойрхон суусан гэж гомдоллосон ч алдар хүндтэй найруулагчийг ойрхоноос харах завшаан таарсанд баярлаж суулаа.

8 comments:

ZAYA said...

Сэдрик Клапишийг ойроос оригоор харсан байна ш дээ. Хэхэ Хоцрох чинь бас заримдаа зүгээр юм биш үү. хэхэхэ

Arsun said...

Hotsroh zarimdaa zugeeree, manai neg naiz suirsen ongotsnoos hotsorson hundee.
Neg saihan kino uzeh yumsan.

peakfinder said...

zaya>> Harin yum buhen uchir jancantai gedeg unen baihaa. Yamar ch gesen anh udaa tom nairuulagchiig oirhonoos harchihsan shuu.
arsun>> Gaduur kino uzeheer huuhdiin golduu kino uzej taaraad baidag sh dee. Ochigdor harin ooriin songoson, durtai nairuulagch jujigchin ene ter orolcson kino uzeh yamar goyo baivaa. Ehnerteigee kino teatrt kino uzeerei. Aj ahuin asuudlaas heseg zuur ch gesen holdood saihan baidag.

болжгоно said...

bi hollywood iin kinonuud ogt uzdeggui. suuld n yah gej uzvee gej haramsmaad saldaggui. harin iimerhuu amidrlad oirhon frants oros spain kinonuud ih goy huu te. hojimdson ch gesen ochij uzsen n boljee, zavtai bolhooroo zaaval olj uzne ee.

peakfinder said...

болжгоно>> Hollywoodiin kino ogt uzehgui baij chaddaggui yumaa. Huugiinhee uruu tatsanaar, esvel sain shuumjteig n' heregt durlaj uzchih yum. Olon yuman dotor sain muu bii l dee. Ugtaa bol suuliin uyed independent kino ih uzdeg bolood baigaa. Franc bolon europiin kinog bolomj garval uzehiig boddog. Neeree saihan kino uzeh ch bas goyo shuu.
Bas teruuhendee mainstream kinog uzehgui gej bolovch haayaadaa soniuch zan diilchiheed baih yumaa. Heregt durtai hun chin' hecuu yum baina shuu dee.

tumee 33 said...

Yamar goyo yum be teatrt kino shii uzeed...
Yavsan uzsen soninoosoo dahiad huvaaltsaarai~~

peakfinder said...

tumee33>> Eej min' baigaa bolohoor haaya tansaglah bolomj oldoh yumaa. Gehdee udahgui yavlaa, odoo bi yanaa geed l baij baina.

Ганаа_бж said...

Ee, taniltsaj amjaagui baital eej chini butsah ni ee. Uul ni nutgiin nastantai uulzaj, yariag ni sonsoj suuhsan geed l muruuduud l baigaa yumsan.
Neeree kino mino uzeh yumsaan. Yertuntsuus tasrah ni...