Sunday, March 2, 2008

La Vie en Rose


Эдит Пиафын тухай кино гарлаа гэхэд нь олж үзье гэж бодсон бодол биелж өчигдөр үзлээ. Дуучны богинохон мөртлөө хатуу хөтүү хэцүү амьдрал, байгалаас заяасан авьяас, алдар нэр энэ бүгдийг багахан хугацаанд багтааж харуулах тийм ч амар байгаагүй болов уу.
Оливиэр Дахан гэгч энэ киног бичиж найруулан Францын залуу жүжигчин Маройн Котилард тогложээ. Эдит Пиафын амьдралыг өгүүлэхдээ он цагийн дарааллаар бус дурсамж маягаар наана цаана оруулж хийсэн нь дуучны намтрыг мэдэхгүй хүнд ойлгоход түвэгтэй болсон санагдлаа. Миний хувьд ганц CD ээс өөр мэдээлэлгүй байсан болохоор жаахан будилж хүлээж авсан гэх үү.
Явуулын циркчин аавтай, дуучин ээжтэй түүний хүүхэд нас дэлхийн нэгдүгээр дайнтай давхцаж, тэр янхны газрын эзэн эмээ дээрээ өсчээ. Есөн настайгаасаа гудамжинд дуулж хоолоо залгуулж байсан тэр сүүлд Парисын алдратай кабарет театр ажиллуулж байсан нэгний хараанд өртөж улмаар алдаршжээ. Гэхдээ л хүүхэд байх үеэсээ бие муу байсан тэрбээр үе мөчний өвчинд нэрвэгдэж, машины осолд орсон нь хар тамхинд донтоход хүргэж 48 насандаа хорвоог орхисон юм байна. Энэ кино Эдит Пиафын амьдарлын хар барааныг голдуу дүрсэлсэн юм уу даа гэж шүүмжилмээр ч магадгүй чухам ийм амьдрал түүнийг тодорхойлсон байж мэдэх.
Киног бүхлээр нь дүгнэвэл тийм ч дуу алдмаар сайн болоогүй боловч гол дүрд тоглосон Марион Котилард үнэхээр сайн тогложээ. Тэр энэ жил америкийн оскар, алтан бөмбөрцгийн эзэн болсон бөгөөд европын олон кино наадмын шилдэг жүжигчний шагнал гардсан нь шагнал нүдээ олжээ гэмээр. Бас нэг онцлох зүйл бол нүүр будалт байлаа. Залуу бүсгүйг өвчинд баригдсан хөгшин болгож тун үнэмшилтэйгээр хувиргасан нь их таалагдсан.
Дуучны алдартай дууны нэрээр нэрлэгдсэн энэ киног тун боломжийн гэж дүгнэв. Үзсэн хүн байвал саналаа хуваалцаарай.

4 comments:

Алтайн уулс.. said...

nad oscar avaxiig ni xarsan..xesges ni xarsan..sonirxoltoi bsan..end xaraaxan ireegui l bna..internet end tend taarval bas uzii gej bodjiigoo..

peakfinder said...

tenemel >> manai end DVD n' garchihsan sh dee. neg uzehed dajgui kino baina lee.

Anonymous said...

ene goyo kino bsan, tehde uzseniihee daraa net orj Edith Piaf iin tuulj unguruulsen amidraliig unshij baij kinon deer oilgoogui zarim zuilsee olj medsen shu neeree xexe, suuld ni bodohod ona yag l eej yum bn le huuheddee yaj handaj bgaagaas nada tegj sanagdsan. bas ter aav ni haraad bsan huuheldeig daraa ni belegledeg heseg deer uhtelee uilj bilee xexe. by the way, blog chini ih taalagdlaa. goodluck

Anonymous said...

hmm.. bi ene hund uneheer hairtai.. duugaaa uneheer bieiin ed esend hurtel duulj chaddag.. dahin dawtagdashgui uneheer gaihaltai hun!!!