Энэ жил хамгийн олон Оскарын шагнал авч олныг шуугиулсан энэ киног зорин байж үзээд жаахан гонсгор хоцорлоо. Миний л мэдэхийн шилдэг эрэгтэй туслах дүр, найруулга, кино зохиол, оны шилдэг кино гээд том том шагнал авсан юм байна. Кино зохиолыг ах дүү Коэн (Cohen) бичиж найруулжээ. Харьцангуй бага хөрөнгө зарсан эднхийхний ярьдагчлан indie (independent) кинонд тоглосон жүжигчдийн сонголт тэдний чадал ярих юм байхгүй сайн (Томми Ли Жонс, Хавиер Бардэм, Вооди Харрилсон) боловч кино зохиол болоод найруулгын хувьд нэг тиймхэн санагдлаа.
Тексаст амьдардаг нэгэн сэргэлэн залуу ан хийж яваад хар тамхины наймаа хийж байсан талууд муудалцаж алаан болсон газар дээр ирж таараад цүнхтэй мөнгийг авч зугтана. Ловэлин гэх энэ залуу сэргэлэн, бас алив зүйлд холын бодолтой нь харагдаж эхнэрээ төрхөмд нь явуулаад өөрөө нуугдах боловч бас л түүн шиг сэргэлэн хар тамхины наймаанд оролцсон хоёр талын хөлсний алуурчид түүнийг олж чадна. Хэргийг мөрдөж байсан шэриф (Томми Ли Жонс) сүүлдээ гэмт хэрэгтэнүүдийг дийлэхгүйгээ мэдэж тэтгэвэртээ гарна. Мөнгө олсон залуу хэдий сэргэлэн ч бас л баригдаж амь үрэгдэнэ. Нэг талынх нь хөлсний алуурчин (Хавиер Бардэм) үнэхээр аймаар хэнд ч дийлдэхгүй бас баригдахгүйгээр үүргээ гүйцэтгэнэ. Ингээд уншихаар жаахан утгагүй байгаа биз? Яагаад гэвэл зохиолын гол санаа ердөө энэ. Кино муу талын ялалтаар төгсөнө. Амьдрал дээр муу талын баатар ялах нь олон ч энэ кинонд тайлбарлаж амжаагүй олон зүйл байх шиг.
Энэ киног хүн үзүүштэй болгосон зүйл бол ердөө чадалтай жүжигчид. Хавиер Бардэм үнэхээр гайхалтай дүрдээ хувирчээ. Түүнийг би өмнө нь Sea inside гэх испани кинонд дөрвөн мөчиндөө мэдээгүй залуу амиа хорлохыг завдаж байгаа тухай тийм айхавтар хүнд кинонд тоглосныг үзэж авьяасыг нь биширсэн юм.
Нас ахих тусмаа улам сайжирч яваа жүжигчний тоонд Томми Ли Жонс орно. Залуудаа тоглосон кинонуудыг нь шимтэн үзэж байгаагүй ч сүүлийн хэдэн жил бүтээсэн дүрүүд нь санаанд сайн хүрээд байгаа санагддаг. Нөгөө талаар бага төсөвтэй indie кинонд сүүлийн үед түлхүү тоглож байгаа болохоор тиймэрхүү кино үзэх дуртай надад олон харагдсан байж болох.
Киног бүхлээр нь дүгнэвэл нэг удаа үзэхэд зүгээр гэмээр. Өмнө нь дуулж сонсоогүй хүнд бол харин гоё санагдаж болох юмаа.
4 comments:
Ene kino-g urgeljleltei gej bodood baigaa. Ih l olon asuultuud daguulsan kino baihaa, jishee ni yagaad zaaval "No country for old men" gej nerlev. Gehdee Bardem uneheer sain togloson gej bodoj baina. Uugeeree ch Oskaraa avchihsan.
Sequel ni garval yanaa.
Ene kinog ongorson weekendeer uzsen, shaal mangar kino baina lee. Togsgol n bur ch utgagui.
үргэлжлэл нь тодорхой биш юм байна лээ. гэхдээ таалагдсан. Тэр алуурчин бол аймаар юм байна лээ. Тэтгэвэртээ гарч байгаа нь гол санаа нь байх гэж бодсон.
yaag unen, jujigchdiin chadvarlag ni l humuusiig tatsan bh, unendee taalagdaagui kino ni
Post a Comment